Khuda nay aser ko hisaar mei. lea aur doe tukkray ker daalay Aik ko waqt kehdala

Khuda nay aser ko hisaar mei lea aur doe tukkray ker daalay

Aik ko waqt kehdala aur doosray ko qaza

Waqt ko insan ki hud say jorra aur qaza ko ghayb k perdo mein chupa dala

Bus in dono ko lumho say jorra aur aur lumho k bhee doe tukkray kerdaalay

Aik tukray per upna iktiyar rukha aur doosray per insaan ko iktiyar dey daala.

Bus woh lumha joe insani iktiyar mein gaya ussay qismat ka naam mila aur joe Khuda k taabey raha ussay qudarat ka laqub mila.

lumhon k is falsafey mein insan ka iktiyar faqat uss lumhay per muqeed raha jisay hum aam istillah mein guzaerta lumha kehtay hai .

Yeh lumha goe bazahir hajam nahee rukhta magar wazun k aitbar say hum ko phir mujboor kerdeta hai aisay k bus joe guzer raha hota hai woh humara hota hai aur joe guzernay wala hota hai woh phir ghayb ka hissa goya tuqdeer k tabey

Us k beraks ghayb say jurra waqt bayniaz o bayperwah aikbaybaybehra aandhi ki manind, goe k hum say jurra hota hai magar undhero k undekhay khoafnaak ya taabnak saa aey mein, aisay k goya hum beena magar beenai say mehroom goya aik baar phir qudrat ki taqat kay aser mein.

Bus waqt k is hisaar mein joe mein samjha woh faqat lumha; joe meri aaj aisay say jurra k bus faqat woh lumha jis say mein guzer raha hoon; baqi sub uss zuljalal e wul ikram ka.

Mein samajh gaya k waqt ko aaj say dekho k kul tumhara nahee, bus kul agar phir aaj ki soorat tumhara naseeb to qudrat ki ata werna qaza.(Dr Raza)

aur doosra

Advertisements