Insaan upnee irtiqa say hee ibadat kay asool say nawaqif raha
Muqsad- e- hayat- e- insani derasl Khuda taala ki tareef nahee bulkay uss k taa-u-rruf say jura tha jisay chund insani roop mein shaitani naa- aqibat undesh insani wajood nay upni khuwahishat k saancho mein asal zaviaey say badal dala
Yoon aaj insaan kainaat ki wusato’n mein chuphee wahdaniyat k ruposh anmol jawahir say bayperwah, faqat zahir mein zahoor huaey jawahirat say khud ko mushghool kerkay faqat undekhay Khuda ki tareefi ibadat mein mushghool hogaya .
Haq to yeh tha k jisay dekha nahee us ki zaat aur wajood ko leeay kainaat ki khudo khaal ko aisay taolta k her zurra khud khudai ka mazhar bunjaata magar nufs nay posheeda ka girweda honay k bajaa-aey zahir per hee iktifa kia yoon joe dikha us per tareef ki aur joe posheeda raha ussay muslehut maan lea.
Meri nazar mein ibadat say ghafil kainaat k posheeda raazo ko zahoor denay walay woh baydeen nafoos jo her haram ko halal janaty huaey bayrahravi k bawajood ajaibaat- e- khuda wanda ko tatolnay walay un deen daro say behter hain joe ibadat ko rasoomaat mein dhoondtay hain.
Bilashuba Khuda kayfiato mein posheeda hai aur kayfiat faqat talaash say hee wahdaniyat ko zahoor dety hai
Khuda toe madad k leeaey berhnay walay un haato ka naam hai joe bayghurz neeyaton say her uss zarorrat mein uthnay walay haatho Ko sahara dey, joe ghayb mein zaat say madad maangtay hai magar wajood say zahor mein madad paatay hain(Dr Raza)

Advertisements