Kainaat ki her shey aik paheeli ki manind aisa falsafa hai jis mein Ilm Hozz ki manimd aur Alim piaasay ki
 k jub kubhi shiddat upnay jobun per rooh ko talaash- e- aab per uksaa-ey piasa hozz-e- ilmia per aa-jaey 
Yoon ilm shaoor ki pias say rooh ko taskeen dey aur rooh falsafaey khuda wanda mein posheeda jawaab say Khud ko tero taza rukhay
Zuban (language / Lingo) bhe aiik aisa hee falsafa ha 
Yeh zahirun aik khudokhaal aur lisaani roop Leay khaas muktab aur saqhafat ka aqaas hua kerti hai magar such yeh hai k Zuban (language

/ lingo) bhee  batin mein chuphe woh qoowat hai joe upnay hisaar mein aik khudmukhtar taqat.
Zuban saybjurray shubd aik unmol jauher hai joe upnay hadood say khud ko baher layjaker soch ko dossro ki zehanyat banadeti hai
Yoon joe aap kehtay hain woh doosra samjhta hai
Goya joe aap chahtay hai doosra kerdeta hai
Akhir shubdo ki iss kahani mein woh kia hai joe dono ko shaoor ki manind aik soch per laa-khurra kertay hai aisay k phir aik, doosray ko shabaash kehker kaam ki takmeel ka ailan kerta hai
Akhir yeh kaisay mumkin hai kay woh shubd joe aik bolay doosray ko muno unn samajh ajain.
Woh kia hai joe hazarao meel door baitha shuks bolay aur aap munn o unn sun layn
Yahee sochtay huaey mein bister perr aan gira
 Punkhay ki awaz joe bilkul mudham aanch per upni akhri hud per chultay huaey upnee moujoodgi ka ahsaas aik baywaqt -o-auqat goya baysurri awaz say kera raha tha
Dil-o- deemgha pehlay hee shadeed qehr aalood tha aur khayalat aik andhi ki manind kisi jaga thumnay ka naam nahee lay rahey thay
k Chund ghurri k sakoot k baad punkhay ki mudham herza sirraaii nay khamosh shaoor mein aik aag jaladali aur phir mein nay phunkay ko woh kehtay suna joe goya meray shaoor ka hissa tha 
Goe k phunka aik hee shiddat leeaey aik tareeq per chul raha tha magar taajjub ki baat yeh thee kay phir mein jis lufz ko sochta wohee uss phunkay ki awaz bun jati joe mein bakhoobi samjhta
Mein samjh gaya k kainaat k malik nay wajood say wajood ko milanay k leeaey zuban dee aur zuban ko aik undekhay muqnateesi hajjum say tukra ker awaz ko phir wajood tak waisay hee phoncha dea.
Goya joe bola woh tukraya aur phir waisa hee suna gaya
Merinazar mein awaz hawa mein moujood aik undekhay muqnateesi hajam say tukra ker mukhatib tak phonch jati hai
Yoon muwaslat kay nizaam mein he uss simt awaz ko suna jasukta hai jahan  ussay suna jaa-aey
Is qanoon ko agar such maanlo to joe bola woh phir kubhi sakitt nahee hoga aur joe sakitt nahee hoga woh waisay hee is kainaat ka hissa rahey ga
Goya yeh lufz joe hum boltay hain yeh mitta nahee kertay yoon lufz aur alfaaz zinda rehtay hain
Shayed is hee leay kaha jaata hai k pehlay tolo phir bolo.
Akhir aisa kia tha uss phunkay ki awaz mein joe meray shaoor mein uthnay walay alfaaz ko upnee chaal aur awaz say bata raha tha 
Boht soch k baat yeh baat samajh aye k her lufz aik hajam rukhta hai aur yeh jajam aik frequency ki manind is arzo sama mein ghoom rahey hain .
 Yahee ghoomnay walay shubd aap k shubdo say mil ker woh taasur detay hain jo hum ghoomtay punkhay ki awaz mein suna kertay hain
Meei nazar mein khulaa mein aisay muqnateesi hajam unginutt hain joe kooson door niklay shubdo ko aik doosray per maarphainktay hai yoon zaroorat mund upnee manzil per unhain sun lea kerta hai 
Shayed is hee leeay kaha jaata hai k deewaro k bhee kaanhotay hain(Dr Raza)

Advertisements