Kisi k sunbhalnay mein kisi ko bigurna perta hai
Kisi ki rahat mein kisi ki sukhti Pinha hoti hai
Wajood ki kahani mein koi moujood hota hai aur koi sajood hota hai
Kisi k khoon mein kisi ka rung hota hai
Joe dikhta nahee woh sunbhalta hai kisi ko maarta hai aur kisi ko sunwaarta hai
Wajood say wajood aur phir moujood ki kahani mein faisla dono ka hota hai 
Wafa aik kerta hai qurbani doosra deta hai bus waqt k saancho mein perwaan wajood churhta hai.
Na uss k anay k ussay pata hota hai na jaanay ka.
Sub ko maloom hota hai is ka ana magar koi nahee jaanta k kub wapis jaana 
Jub ata hai toe rota hai jub jaata hai toe rulata hai
Khulqat -e- insani mein  wajood nutfay say zikr bunta hai yoon zikr unmitt yaad dasht ki manind kaheen bayauqat insaan aur kaheen muss hoor kun wajood.
Upnay tool-o-arz mein wajood-e -insan ki daastan, baap k nutfay say maa ki koke mein hisar ki manind uss tehweel say guzerta hai k phir na ussay dunya ka pata hota hai na mafia ka.
 Bus aghosh ho toe aisa k baykhubri k perdo mein rizq say bayperwah wajood k kamil honay tak aisa ghafil ho jis ki perwerish hum-atun gosh hisar- e – yaar mein kaheen maa ki soorat ya kaheen baap ki chahat  mein zumm ho.
Ajeeb baat yeh hai wajood k is falsafey mein tukhleeq Khuda ki hoti hai aur madadgar Maa Baap.
(Dr Raza)

Advertisements