ilm aur fun-e-taqreer say bilashuba  loagon ko mehdood aur mehzooz kia jasukta hai magar Alim ko nahee  yeh is leeaey k alim faqat hikmat kay asool aur hakimaana zurf say hee tuqleed ko wajib samjhta hai you sir-e-tasleem her chokut per nahee bulkay faqat wali ko hee sajda kia kerta hai 
shayed tubhee hum faqat Ali Ali kia kertay hain
Siyasi baseerat aur siasiaat say juraay sawal-o-jawaab posheeda ilm zahir kia kertay hain yoon zahir mein moujood loagon ko posheeda baseerat ki kahani sunaya kertay hai 
Magat basarat aur baseerat agar tafakkur say ijtinaab aur fikr say inhiraaf keray to kaheen na kaheen haq haqdar say mehroom hojaya kerta hai 
Jin kay peechay Chula jaata hai who peechay nahee Chula kertay bulkay wohee raasta tushkeel dea kertay hai hadi aur hidayat ki soorat aur yoon raaston per chul kay manzil ko kush- noodiaey perwerdegar ki raza hasil hu kerty hai aisay kay humay un k peechay Chula jin per tu karam kerta raha aur is pechay chulnay ko hidayat kaha jaata hai ……baher soorat khud hidayat per chulnay wala hadi nahee hua kerta 
Taleem aur terbiat mein ilm ka mayari hona sub say pehli seerhi hua kerty hai aur mayaar –e-ilm mein madrasa faqat Muhammed –o-Ale-Muhammed hee hain jahan say taleem paaney wala faqat ilm ka waqif kaar hee nahee hua kerta bulkay manaazil say guzar ker wajood mein dhula khud aik mukammal deen ki manind satoon hua kerta hai 
Baat ka mumba mera uthaya gaya who hee sawal hai jis ka jawaab aap nay dea aur phir khud hee us jawaab ko loagon ki taleem aur terbuiat say door kerkay ussay hadood deydee k ub ya mein jaanat hoo ya phir who jis ki nazar nay baydadabi ko dekh lea yoon uthnay waley sawalon ko perh lea 
Baher soorat mudda waheen per say shru kerta hooo 
Mera sawaal waheen per jawaab ka muntazir hai k 
Is ayat ka terjum bilashuba undesha hai joe kisi bhee talib-e-ilm ko manzilay eman kay sahee ta-ayyun ko sawalia anadaaz mein jawaab ki soorat dhoonday ga 
Ya ayo hul lazina amino …………. Ka terjuma yeh nahee hua kerta kay “aey eman walon” bulkay emaan laanaey walon bila rudobadal is ki sahee tushkheez aur tareef hai 
Bilashuba eman hikmat leeaey who manzil hai jis ko Quran nay khud quran say halut ko hajam say door ker k samjhaya yani haq ko ayat ka sahara dea kay “kehdo tum islaam laa-aey ho eman nahee ”
Goya kalma-e- tayaaba ka wird eman ki nahee bulkay halat-e-islaam hai jis ki pehli manzil per abu suffian bhee daira-aey islam mein hoga aur bunu ummaya say jurra koi jayyed khalifa bhee magar halat -e-eman say door kio k eman ki halat faqat dil say jurree woh kayfiat hai jahan rooh muztarib ho aur iztiraab khanwadaey Rasool say muhabbat aur muwaddat ki soorat qabooliat 
Algherz terjumay kay tanazil aur sahee fazaail mein hum kisi bhee sooorat ayat ko iss nazar say nahee perhtay ya phir terjuma kertayk jis mein eman laanay waley aur emaan waley baraber dikhay yoon hayuut aur hajam hee bigaar lay lay goya lufz-e-musalman her aik kay laqab bunjai jub kay musalman toe Ibrahim kay rufqa ka hee laqab hai aisay kay joe manzilaey emaan per imamat ka mertaba rukhtay ho 
Eman azmaish say guzray wajood ka who muskan hai joe manazil ki soorat us ka husn –e-zun 
kitaab ko kitaab say nahee zuban-e-haq per yaqeen kerkay eman laya jaata hai 
Hum Rasool per eman laya kertay hai aur khuda per yaqeen kia kertay hai aur kubhi rasool per yaqeen kia kertay hai aur us ki baat per eman laya kertay hai 
Yaqeen aur eman goe kay manzil mein saath saath dikha kertay hai magar yaqeen na ho toe kayfiat gumaan kehlaatee hai aur gumaaan ho toe eman bay-eman 
Emaan laanaey walay ghultea kersuktay hai eman waley nahee …Yoon hukum-e-quran khud samjha-aey ga k kitab kis say mukhatib hai aur kia chahtee hai ………Quran khuda kabataya hua tareeqa nahee bulkay loagon k bunaey huaey raastey hain joe chahat-e-perwerdegar mein munsab-e-ayat ko musnad banatey chulay ga-aey yoon her amal quran ki ayat bun gaya aisay kay quran bol pera kay humay un kay peechay chula ……….. Jahan amal khud ayat ho wahan tareeqaey amal na-aey aney walon ka kitaabcha hua kerta hai ………faqat Dua (Dr Raza)

Advertisements