18 April, 2017

18:00

 

19oowi sadi ka Raza

 

kuch dair susstanay k leeaey lait gaya

 

germio k din thay

 

aankh lug gai toe khud ko  unneeswee(1900) sadi ki ibtida mein paya

 

goya yeh baat hogi 1905-7-8 ki ghalibun 10 ki

khuaab ka kia hai

 

Din aur tarreekh say muburra aur haya aur bay hayaii k perdo say azad hua kerta hai

 

Bus janaab khud ko upnay pasandeeda waqt mein paya toe  Jaisay koi saroor agaya ho

 

her taruff heryali thee

 

Kum loag khushaal guzar baser

 

Yeh maloom nahee k mein kaha tha magar shehr say zaroor manoos sa tha

 

Yeh is leeay k khuaab mein hee kuch jughay aisee thee jin say mein shaoori torr per aagahh  tha

 

Qata-aey nazar ,upnay say baykhuber mein nay khud ko aik baarack numa ghar mein paya joe ghalibun  aaj kul kay flat say kuch mukhtalif na thee

 

Kuch loaag thay joe bilummoom upnay hee thay magar ashkaal meri yad daasht ki humnawa na rahee

 

hum aik kumray mein kisi guftago k hisaar mein waqt ka zia kertay huaey kisi ghurri k pehlo mein shabo roaz k kaam kaaj per nahooaey guftagu thay k  yuka yuk mein nay  ijazat talub

 

Kisi na kaha k jana kio zaroori agar phone per hee kaam bun jai

 

Yeh soch ker neechay uter aya  k baat maqool hai aur juggaa bhee unjaan kio na pehlay phone kerlea jai

 

yaha  yeh baat batana zaroori hai k yeh khuaab hai aur khuaab kis bhee hud say baher lashoori kayfiat hua kerta hai jis mein saroor shaoori  hua kerta hai  aur kayfiat sherm o haya wa qanoon o muntaq say bayherhaal azad  hua kerti hai

 

is leeaey telephone aik ejaad ki soorat is khuaab ka hissa baywajah nahee

 

yahan yeh kehna zaroori samujhta hoon k hukmurani goe k ungrezo k asr-o-rasookh mein perday ki manind dikhee magar azadi  goya aisee kay ikhtiyar husn-e-kamal per upnee mulki aur muslaki shanakht per aik qoum ki manind dikhee goya aisay k jaisay aaj azadi muqadder hai

 

mein neechay utra  dumdum ki saath chulti bardh k nazdeek aik chotay say chabootray per khoobsorrat say phone luga tha joe bilshuba public booth ka aser dey ta tha

 

darukht ki chaaon mein yeh phone us dorr ki tukhleeq ka hee shahkaar tha jis mein dial k bajaey chabi numa  ghunti thee

 

Mein nay ghuntee ko husbay munsha cchulaya aur door bohut door say kisi nay dosri janib say phone uthaya

 

Mein nay riwayti undaz-e-sukhn ko upnaya ur poch dala kay hazor kaha say baat ker rahey hai

 

dosrri janib say bohut moadib undaz mein kaha gaya kay ferrier haal k nazdeek azkhana saajad  kay qareeb say baat kerraha hoon joe aik hakoomati post office hai

 

Such poochiaey is purkhaloos jawaab ko aaj k dorr mein hum  tarustay hai

 

mein nay jawab sun ker shukra ada kia aur phone rukhdea

 

 

Idher udher nazr doraai to door bohut door aik janib kis policevan ko dekha jis mein heolay numa chund loag thay

 

Mein nay nazro ko samita aur aik baar phir ghair iradi nzar upnay ird gird dali  aur phone aik baar phir uthaya

 

Doosri janib say aik bar phir kisi azakhanay ki qurbat mein paya jany wala aik adad hakoomati office paya

 

Mein nay aik baar phir shukria ada kia aur phone rukh dea  nazar

 

bher ker dekha aur dil he dil mein yeh sochnay liga k

 

Ajab sakoon hai k goya kisi ko mujh say koi raghbat he na ho aur mayar husn aisa k goya kisi khoobsoorat shehr mein asoodgi mein bussi aik busti jis atawar aur shahkar aik jannat numa hissar mein bayrughbati per manshoor ho

 

chulnay k iraday say qadam agaey behrha aey toe police van ko qareeb hotay dekha aur yoon who meri nazro say ujhal hogaee

 

Khayal aya k shayed who upnay rustay chuli gaee hogee ya phr wapis ajai gee gulli k nukkurr say magar aisa nahee hua

 

Mein chund qadam kuch sochtay huaey agaey bherra hee tha k door mujhay aik motor cycle aatee nazar ayee

 

mein ghubra gay k mein gali mein akaila hoo aur motor cycle tezi say meri taruf bherh rahee hai  aur phir yeh hua k who mairay saamnay aaker ruk gaee

 

Dekha toe 2adad khakroab us per baithay thay jhaarro dekhi toe jaan mein jaan aye

 

Najanay khaakroab bhee mujh say kio der gaye shayud who samjhay k kaheen mein un say un ki motor cycle he na cheenloo is leeay mein nay dekha k unho nay chabi  mujhay denay ki koshish ki  mein nay nafi mein sir hilaya

 

Jub un ki jaan mein jaan aye toe bolay k kaha safai kerni hai

 

mein nay isharatun ooper ka rusta dikhaya  aur woh chulay gaey

 

Aankh khuli toe khud ko 2017 k purashoab dorr mein paya

 

mein khud per hunsa k 2017 ka admi jub 100 saal pehlay k mahool mein jai ga  toe who upnay dorr kay halaat ko kisi bhee soorat bhula nahee sukta

 

ub chahey who police ki garri ho joe gahey bagahey rishwat laytee phirtee nazar aye ya  motorcycle per sawar  khaakroab joe  lamuhaala kis uchhukkay mobile chorr ka pata detay ho.(Dr Raza)

 

 

 

Advertisements