Tuqdeer who guzargah hai jis k hisaar mein musafir waqt aur halat k saancho mein manzil ko uboor kia kerta hai Goya aisay bazar ki manind hisaar jahan acha aur bura aik saath moujood hon yoon khulqat mein chupha zerf nufsani khuwahish bun ker  kaheen upnee rah ka tayyun aur ikhtitaam budi per aur kaheen achai per kia kerta hai 
Der asl khulqat kay beech(SEED) I bunyaad serf per hai goya jis ka jaisa zerf waisi uss ki khulqatyeh aisay k barish ka qutra tuqdeer ki soorat seep aur saanp dono ki tuqdeer hoga magar aik ussay zehr banadey gee aur doosra moti
 bus tuqdeer who raasta hai jis ki manzil kubhi raastay ki khoobsoorty per mubnee aag k safar per ikhtitaam ki manind ho ya phir sukht halat aur mushkilaat mein khoobsoorat manzil k ikhtitaam per mubnee.
 Tuqdeer  der asl Julwat mein khulwat aur khulwat mein kaheen raaz o niaz ki manind aur kaheen roaz e roshan ki soorat  upnay mabood say zikr o fikr aur tuqdeer say bayfikr o perwah who dua hai joe tuqdeer mein tudbeer ki manind ata k perdo mein chuphee jaza ko baher khainch la-aey yoon dua ki taqat say tuqdeer k budalnay ko roshnaas keradey  aisay k  dua phir who tudbeer dikhay k jahan tuqdeer badanay wala tuqdeer likhnay walay say taqatwer dikha-ee dey.
Bus Tuqdeer who munfarid undaaz-e-nazr hai joe safar ko manzil aur manzil ko guzargahon mein baant dey yoon  musafir ko un hee guzargaho per baund kerdey aisay k raasto ko manzil say jorr ker manzil ko intikhaab ka naam dey dey  aur phir is intikhab ko yeh ker ker ayat banadaaly  ikk dua ki manind k humay “Un K Rustay chula jin per tu naimat bersata raha ,Naa kay un k jin per tu naraaz hota raha. 
Mola -e-Kainaat Ali Ibn-e-Abi talib say kisi nay Poocha k agar sub kuch tuqdeer mein likh dea gaya hai toe phir dua kio mangi jai ;aap nay fermaya k shayed yahee likha ho k dua mangnay per hee milay ga “.
Qol-e-Mola Ali hai ” agar raasta khoobsoorat ho to maloom kero kis manzil ko jaata hai  aur agar manzil khoobsoorat ho toe raastay ki perwah na kero
 Buss jahan safar say pehlay guzargah aur ikhtitaam say pehlay manzil ka pata ho uss musaafrat ko tuqdeer kehtay hain (Dr Raza)

Advertisements