31 March, 2017

11:22

Safar ko waqt say milado manzil say bayperwah hojao gay

 

Waqt who mehwer hai jis ki aghosh mein safar manzil say bayfiker hua kerta hai

 

Ajab baat yeh hai k raastay ger chey mukhltalif hon, waqt baher haal manzil ki aashni rukha kerta hai yoon musafir mukhtalif  manazil say us simt berhtay rehtay hai ik hisaar ki manind jis ka ta-ayun bayherhaal waqt nay ker rukha hota hai .

 

Bus ubb yeh zaroori nahee kay hum safar humsafar bun ker keray bulkay agar manzil aur safar ko waqt k hisar mein dey dia jai to safar mukhtalif raasto say hee kio na guzray, manzil ka ikhtitaam aik hua kerta hai

 

ajaaeb falsafa hai quran bhee joe wat ko aser keh ker aser ki qasm khaa baitha yoon “alhamd” mein aik bar phir raasto ka zikr kuch yoon ker baitha k “humay istiqamat k raastay chula jin per tu naimat nazil kerta raha”

 

such poochiaey to jis raastay per chulnay ki hidayt ki gai hai who hamaray waqt aur asr say door faqat aik naser say kum nahee

 

qata-aey nazar is baat k  yeh  kisi soorat is leeaey bhee mumkin nahee k hum us dorr say door upnay asr mein moujood hai jahan jiddat nay muddat  ko taqazon kay wazun mein dubadaala   yeh aisay k un raasto per zamanay nay who naqoosh mitadaalay yoon waqt, asr aur dor nay ghubaar tulay muno mitto say sub mitadaalay

 

Meri nazar mein yeh woh manzil hai jahan raasta  hissar mangta hai waqt ka aisay k manzil madad  mangtee hai raasto say

 

Goya hum hidayt mangtay hai k humay un k rustay chulaa

 

Bus yahee who simt  aur falsafa  hai jahan Safar ko waqt say milado toe manzil say bayperwah hojao gay

 

Meri nazar mein hum mukhtalif raasto say waqt k hissar mein aik manzil ki taruf rawa dawa hain

 

Ub agar hum waqt k hisaar mein un loagon say munsalik, to qata-e- nazr dorr aur safar k hisaab -o-nisab k, humari manzil aik he hogi goya un k rustay per (Dr Raza)

Advertisements