Aankhay bhee khoob hua kerty hain dekhnay mein to faqat wajood ka aik feesad bhee nahee  magar such poochiaey to aankh hee faqat woh dareecha hai joe wajood e niswa Ka wahid dar k agar bund bhee ho tub bhee dekhnay walay k shaoor ko muflooj ker dea kerty hai.
 Meri nazar mein aurat aur merd ka milna shaoori hua kerta hai ..jismo ka milaap to faqat iztiraab hua kerta hai
 Mein nay un aankho mein woh tarrup dekhy jis nay meray shaoor ko sarror ki kayfiat dey ker kayfiat ko aisa mujboor kia k phir mein aseer ki soorat zindagi bher us k wajood ka ghulam raha yoon her roaz faqat aankho say uterna aur us k wajood mein khud ko mehsoos lerna meri aadat bun gai
 Such poochiaey to mein utnay hee azab ka haqdar ho jitna k koi bud aimaal nufs
 yeh is leeaey k jismani khuwahish aur uss say juree lughzish to waqti hua kerty hai magar kayfiat k is rung mein jis mein uss k wajood nay mujh ko basaya, Mein phir kubhi wapis na aya, yoon nufs ki ghulami ka woh mazhar buna jis ki aqibat kharab aur dunya berbaad ho jai.
 Such poochiaey to kufr meri adat mein nahee us ki niswaniyat mein tha joe mein zaat hee chorrd betha wajood ko leeaey.
 Kufr to inkari say jurra hai , haqeeqat aur suchai to yeh hai k mein to iqrar ker baitha tha khaliq ki us khoobsoorat tukhleeq ka jis ko us nay upna mazhar bunaya yoon Wajood say tukhleeq ko kainaat mein Khoobsoorty ka anser banaya
 Bilashuba husn ko kayfiat deyna aur kayfiat ko tabiyat dena malik -e -do jahan ka hee kaam hai
Meri nazar mein aurat ki khoobsoorty perwerdegar ki woh khoobsoorat ada hai joe us ki tukhleeq ko moajzati kayfiat dea kerty hai yoon jusv-e- kashish ki manind aurat bilashuba perwerdegar ki sub say saherungaiz husn -e -tukhleeq hai.

[25/02, 2:25 am]  (Dr Raza)

Advertisements