Musafrat joe agar fuqr aur ghareebi mein

safar ho qaid mein sub kuch faqat asseri mein

Na koi dost na bhai na Aashnai ho

K her ghurri he her ikk simt mout cha-ee ho

Na koi aass ho, piasa her ikk joe saath chulay

Tamash been situm ger, faqat ruswai ho

Kisi k saath na uss ki koi lerai ho

Na koi adl, na munsif, nahee sunwai ho

Ho haq ki rah, safar khud he rehnumai ho

uss hee safar mein agar mout ger joe Aa-ee ho

na koi paas ho upna na behn bhai ho

K ikk taruf ho saza aur ikk taruf ho jaza

maqam-e- khaas leeay ik taruf yeh dunya ho

Kafun libaas leeay ik taruf rehai ho

Qabool ker lay shahdat k naam ger joe libaas

Uss hee wajood ko kehtay subhee yeh aam-o-khas

Na pooch musnad-e-shahid ki is latafat ko

Ho aziyato mein safar phir bhee istaqamat ko

Na sir jhuka aey, kisi ko bajis hidayat ko

ussay shaheed ka-hain, perh lay ja, riwayt ko

Na ker kisi ko shahadat k naam per faa-iz

nahee samjh hai to ja perh, qura’a ki ayat ko

kitaab likhay hai shahid kahee’n shaheed perhay

Zulum k raaj mein sooli pey ger zameer churrhay
(Dr Raza)

Advertisements