Ibrahim (A.S Ka Ismail (A.S) per Churri Chulana aur Quma Zani By Dr Raza Haider

Ashoora-e-Muharram say Quma zani say baraat , bayzari, Biddat aur jahalat aur kufr ka naam dea ja raha hai

Najanay aap ko hamaray buccho say aisee muhabbat kio ker honay lugee

Nutfa hamara, jaan hamari, Deen-o- aqeeda hamara, shariat hamari , Fiqh hamara ,Ghum hamara , Rusm-o-riwaaj ,dastoor hamara, eman hamara magar hamaray kisi bhee amal mein shamil na honay walay (Aap janaab) ko najanay kio hamara amal nagawaar hai magar buccha piara

Aray bhai hum kafir to kafir k bucchay say piar kaisa

Shirk, kufr , islam, biddat, sunnat aur shariat ki baat to baad mein keray gay pehlay sumjhay k hamaray yahan Muhammed (SAWAW) k deen mein jaan deen ki hotee hai aur zindagi Ale-Muhammed(SAWAW) ki goya humari zindagi Khandan-e-Muhammed(SAWAW) ki aur eman bundagi ki soorat Is khandan ki ghulami

Aap ki tukleef ka mayaar agar Masoom buccha hai jisay aap k mutabiq hum aziyat say guzaaar ker Quma-zuni kerwatay hain toe pehlay us Masoom shaheed ko ro-aey joe Karbala mein 06 maheenay ka mara gaya rahee baat hamaray buccho ki to hamari aulad sadqa hua kerty hai Muhammed aur uss ki Aal(SAWAW) per goya fidya hua kerty hai khoon-e-Muhammed -o-ale Muhammed(SAWAW) ka

Yeh koi rusm nahee yeh muhabbat ki daastan hai joe ahd-e-wafa ki soorat her anay wala qerz ki manind upnay khoon say likha kerta hai yoon hul min nasir unsurna ki awaz per karbala mein upnee shamoliat aur shaeedan-e-karbala ki pias upnay lahoo say bhuja ya kerta hai

yeh khoon! khoon-e-hussain (A.S) say who wada- aey- wafa hai joe charagh k tail ki manind naam-e-karbala ko upnay hee khoon say roshan rukhta hai goya umr ki qaid say azad khandan-e-risalat ko upnee wafadari say hadya-e-tehaniyat paish kerta hai

ajab tukleef hai aap ki! khoon hamara ,tukleef hamarai rusm hamari aur kafir bhee hum aur ilzaam bhee hum per

Array bhai humay upnay kufr mein rehnay dey aur aap shahadat-e-hussain per khushia mana ker jannat mein janay ki tayyari keray

Aqal k undoh agar hum kafir to Ibrahim (A.S) ki who sunnat kia jis ko tum shariat ka naam detay ho goya jis mein ismail(A.S) ko litaa ker Ibrahim nay churri chula dee

Hum ko kafir kehnay walay Ismail (A.S) ki uss aziat ko bhee koi naam doe jis mein baap nay betay ki aankh per putti bandhi goya aisay litaya k irada mutazulzul na ho

khud ko sunnati kehnay walo na toe uss ki churri kund thee na uss ka gala

yeh piar ki riwayat hai jis mein khoon Khuda ki rah ka hota hai aur jaan deen ka sermaya

aap hamaray jawano ko roaz moat k ghaat utaray toe who sahee hum ahd-e-wafa mein upna khoon dey toe who kufr

Aikk kaam keejeaey Quma zani agar itna zulm lugta hai toe sunnat aur shariat k naam per upnee Khutna bhee naa-kerwaya keray

yeh is leeaey kay bayher haal agar Khutna kerna aur kerwana sunnat -e-Rasool(SAWAW) k mutabiq ain islami hai to Quma zani kerna kaisay ghair islami hosuktee hai jub k who ayn Sunnat-e-ibrahimi ho (Dr Raza)