Baat shariat ki hoty to deen ka hissa maan layta aur jaisay kaha gaya tha waisa he ker guzerta .

 

Magar yaha baat sunnat ki hai  goya fitrat pey doobi siffat ki hai

 

Yani siffat k rung mein ismat -o-taharat ki

 

Yani uss taqazay ki jis ki terbiat hee terbiato ka nateeja leeay aba-o -ajdad ka khasa aisay kay zangeer ki manind aik doosray mein paywusta aik hee shajjr say munsalik who samar jis ki rungat aur sungat aisay shajr-e-mumnoh ki manind who phul k faqat paakeezgi us ka aser aur taharat us ka khameer

 

Goya who shajar joe hameesha say moujood aik hee siffat per aur khudai amar per mubhoos k adam jaisa  basher bhee us sand per nahee k nazdeek jasukay  .

 

such toe yeh hai k Jahan  khulqat adam ki soorat naboowat per mubnee ho aur nabowat itrat ko leeaey ismat-e-huwwa per mubni ho waha bhee amr-e-perwerdegar basher say door  shajar -e-mumnooh – o- pakeezgi leeay  taharat -o-siffat ka hisar hua kerta hai

 

Yoon  faqat amr he moujib-e-ijazat hua kerta hai aur hissar mojib-e-hifazat

 

Sunnat koi khail nahee kay bin dekhay  deen kay libaday mein lapait ker shariat say munsalik kerdea jai

 

Yeh to us reet ,riwayat ,ahud aur tujdeed ka naam hai  joe tahir say tahir  ko goya Adam say Nooh aur Nooh say Ibrahim aisayk Ibrahim say Imran tak  goya khandan-e-Ibrahim say khandan-e-Imran tak ashraf ki sanad per tujdeed-e-wafa per amr ki hifazat aur  terbiat say munsalik hoker sunnat ko  shariat  mein badal dalay  yoon terbiat baap ki sunnat bun ker baitay ki shariat bunjai  yeh aisay k  deen ibrahim ki sunnat bunker  Muhammed (SAWAW) ki shariat bun jai .

 

najanay deen ko ashaab ki nazar say dekhnay walay   terbiat ki manzil mein kio ker ajdad -o-ahbab  ko wirsay mein peechay chorr jaatay hai  yoon na-mehrum ko mehrum per foqiat dey ker Nabi k pakeeza ghar ki shariat say munsalik sunnat per chultay terz ko khud ki chund barus per mubni  zahiri terbiat aur undaz ko sunnat ka nam dey deytay hain goya biddat ko sunnat aur sunnat ko biddat kerdeytay hai

 

TAaqeed aur tulqeen sureh asr ka who falsafa hai joe baap betay ko wirsay mein kia kerta hai aisay k fidaya ismail ka dea jaata hai aur qurbani Muhammed (SAWAW) deya kerta  hai   yoon sureh kauser ka khulasa k qurabi doe k bayshuk tumhara dushman hee bayaulad rahey ga

 

sunnat k naam per biddato ko janaum denay walo  jahan ijazat k baghair Rasool kay ghar jana namumkin ho wahan deen faqat riwayt say munsalik hoker biddat ka roop lea kerta hai aur  yoon rusm  riwaaj Rasool k ghar say nahee faqat rav ka guman hua kerta hai

 

risalat ki perwerish   say bayperwah hazaro saal tak kufr mein mubtula  who loag joe dawat-e-zilasheer mein bhee deen ki pehli dawat per sirbasajood naa-huaey  who kaisay deen mein shariat ko sunnat ka libadah pehna suktay hai

 

baat tareekh k dareecho mein chuphay such ki nahee bulkay  kainaat mein guzray  karbala k madian say munsalik us such ki hai jis nay yeh sabit kia k sunnat aur shariat  Nabi k ghar ki riwayat hua kerty hai

 

Werna such to yahee hai k shariat ko  ashab ki sunnat jaanay walay karbala k maidan mein kisi aik munfarid sahabi ya us ki aal say sunnat-e-Rasool ko   khandan-e-rasool say ahd-o-tujdeed-e-wafa per sabit kerayn.

 

Bus faisla aap keray sunnat ka!  yeh is leeay kay  deen aik tha karbala ka aur sunnat doe

 

goya shariat-e-muhammed per dono magar sunnat-e-Muhammed per faqat uss ki Aal .(Dr Raza)