Mein nay khud ko tunha paya aisay k jaisay her aik meray khoon ka piayasa ho

Her der bundpaya aur her bun weeran yoon kahain k loag moujood magar jaan baydum ahsaas murda magar wajood zinda goya hertaruf khoaf upna tun, mun ,dhun ki bherka leeaey baadal buna sir per talwar ki manind

Aisa luga Karbala qareeb ho aur mout unqareeb

Joe bazahir dost thay ub dushman ki suffon mein aur joe dushman thay woh dehuktay koalon ki tapish leeay ungaaaron ki manind bagola aisay k buss hukum milay toe teero say seena chulney kerdain

Afsoosa ya khushi kisi k saath honayna honay ki nahee hua kerty bulkay saath sath chulnay walo ka saath chornay ka hua kerta hai

Jahan upnay bhee paraey ki manind hon wahan peraaey hee upnay kehlaya kertay hai

Zindagi mein bura waqt na ho toe upno mein chuphay ghair aur ghairo mein chupay upnay kubhi saamnay na aye

Shayed yahee wajah hai joe rishtay khoon say nahee ahsaas say hua kertay hain

Karabala ka aghaz her dorr mei mein uss ibtida ki manind maarka hai joe yazeedi kirdar aur hussaini shuaar ki soorat jung ho

Yeh amal-e-tasulsul ki manind haq-o-batil k dermian woh jung hai jis ka ikhtitaam bayherhaal haq ko leeaey haq per kutmernay per hee hua kerta hai yoon batil upnee dunya per surkhuroo aur fakhr kerta hai aur haq ta qayamat amr hojata hai

Bus mein akaila chulta raha aurphir woh din ahee gaya jub Karbala ki tuptee dhoopmein piaso nay shiddat-e-pias ko aisa nayaab kia k phir bhook pias ki kayfiat hee ibadat kehlaaaee

Karbala ajab dersgah hai aur hussain woh ghareeb mualim jis ki taleem ka hasil zindagi guzaarnay ka fun aur hasool sanad o asnaad ki soorat bilakir shahadat ka derja

Baat yeh hai k mout agar berhaq to mout say tukrajaana hee haq ka ada kerna hua kerta hai

Hum akser haq –o-batil say ghafil hua kertay hain yoon kaheen haq ko nahee pehchaantay aur kaheen haq ko batil samjh baithtay hain

Qol-e-imam –e-mazloom hai jub haq samjh na aye toe batil per nazar rukho dekho batil k teer kahan barus rahey hain bus jis jaga bersey samjh lo haq wohee hai

Haq k rustay per sub say tukleef-ey baat yeh hua kerty hai k aap akailay reh jaatay hain

Bus jub batil k teer tumharay seenay per aur raastay per faqat tumharee sawari ho toe maqam bilashuba maqam-e-ibrahim ki manind moutabir sahadat hua kerty hai

Yeh aik musallam haqeeqat hai k bazahir loag deen ,

dharam aur deenar say piar kia kertay hain yoon saath chulnay ka izhar kia kertay hai magar jub mout say saamna yaqeeni ho toe deendar kum rehjatay hain goya deen chutnee ki manind rehjaata hai jis ka maza faqat zauban aur mayar hud ki soorat hisar leeay upni shaan, Aan,maan, dukan aur makan goya faqat zarooraton say jurra aur zarooraton mein lipta goya dono soorton mein choot janay wala falsafa k zarrorat poori ho ya zaroorat poori na honay

ghurbat bhee ajeeb hisaar hai jis mein phusnay wala ghurbat mein hee maara jaat hai

goe loag dekhtay hain ,suntay hain aur jaanaty hai magar zarooraton aur khuwahisho kay aser mein wajood moujood to hua kerta hai laikin goongay behray aur undeh wajood ki manind kay na ahsas hot hai na jusbaat faqat aisay wajood joe khud qaidee ki soorat mehsoor-e-dunya ho

mein intizaar kerta raha aur woh hee hua jis ka undesha yaqeeni tha

batil nay taqat ko hutyar banaya aur war kia meray wajood per yoon wajood nay haq ko sajood ki halat meinaik baar phir mujhay karbala ki garam rait per la khurra kia aisay kay hussain mera akhri deedar aur Ali meray Janazay ka shahsawar goya malaik saath saath aur momineen ki dil hiladenay wali cheekho pukaar .

bus haq k raastay per sub say berri naimat yahee Muhammed o ale muhammed ki qurbat aur nisbat hai joe her shahadat paanay walay ka ajar (Dr Raza)