Namaz Tashahud Aur Aliun Wali Allah BY Dr Razahaider


Capture
Najaanay iktilaafi masaail ko hul kernay ka yeh kon sa tareeqaey kaar hai jis mein ikhtilaaf ko shariat ka daira dey ker amal ko nifaaz kay tarazo per hokum ki soorat haq ya batil kay tanazer  mein tatola jaata hai yoon nazaryey ko halal aur haram ki musnad per deen aur baydeen say tushbeeh dee jaati hai

Ajeeb baat hai !

aik taruf deen ki mutti yazeed ki soorat paleed kernay waalay wilayat-e-Ali ki munkiri say ikk na-aey deen ka aghaaz khilafat kay mimber say kertay hain aur doosri taruf wilayat –ali ki musnad ko gohar-e-nayaab tassawerr kernay waley upnay hee taaj ko nageeno say ujaar denay ki ravish per chul nilkultay hain yoon wilayat-e-Ali ko jusv-e-deen say huta ker faqat aik mustahib taqaza banadea kertay hai

Kia khoob munzer hai dawat-e-zil asheer ka jahan deen ka ailaan khuda ki wahdaniyat aur rasool ki risalat kay saath saath Ali ki wilayat per aitiqaad ko ailaania jusv-e-deen ki soorat sunaya jaraha hai yoon yaheee taqaza ghadeer-e-khum per takmeel-e-deen ki soorat haath utha ker phir dhoraya jaraha hai kay man kunto mola fahaza aliun mola  magar waa-aey ho upno mein chuphay ghair aur ilm walo mein pulay jahilo per jinhu nay aghaz –o-tukmeel say jurray falasafey deen ko deen say juda kerdea yoon upnay haatho say musnad-o –mimber ko Ali say khainch lea goya khilafat ki soorat wilayat ka inkaar kerdea yoon naam-e-Ali ko deen say juda kerkay deen ko haq say juda kerdea

Ajeeb baat hai furqan ko quran mein haq –o-batil ko juda kerdenay mein joe haysiat hasil hai uss ayat ko hee mutashaabeyh banadea gaya yoon momin aur munafiq mein ferq kernay waley payrahun aur  paymaana-e-nijaat Yani Ali  ko hee deen say juda kerdea gaya

Najanay karbala k maidan mein jung ka mozo kia tha ?

Namaz  dono taruf  aur quran dono ka mozoo-aey dawat  goya faree-qayn goe daaira-aey islam mein magar jaisa k Quran nay fermaya k kehdoe”Tum Islam Laa-aey ho eman Nahee” goya koi eman ki halaat mein aur koi islam kay dairey mein bayeman ki sanad per

Ub dekhna yeh hai kay Kalma-ey toheed islam ka taqaza goya ayat ka khulasa hai  hai ya  Wilayat-e-ali ka iqrar eman ka taqaza goya eman ka falsafa hai

Agar deen namaz ka naam aur shariat ka taqaza tha toe amlun jung jung-e-jamal ki manind aik baar phir berser-e–paikar aik doosray per zerb ki soorat kufr aur kafir ki sanad per  islaam laaney waley aur Islaam pehlaanay walon kay dermian sanad-e-haq ki musand ka taqaza tha
Aur agar jung haq aur batil kay dermia aik ailaania ferz toe is mein shubha nahee kay karbala ki jung  Munkir-e-wilayat aur  muhib-e-wilayat kay dermian who maarka tha jis nay haq aur batil ko Aliun wali ullah kia sanad per eman ka derja ata kia yoon islam ko eman say juda kia goya quran ki ayat ko amal say wazeh kia k Kehdoe “Tum islam laaey ho Eman Nahee “

Deen ka falsafa kisi kitaab ya kis meraja-e-tuqleed ki meeras nahee jisay who fatwo aur shuksi zahanat aur ilm ko zoaq-e-agahi say nawazay yoon hadi ki soorat her hud ko upnay hokum say hadood dey

Is mein koii shak nahee k ulema mazil-e-ilm per deen kay muhafiz hain aur ilmi sanad per loagon ki taleem per muallim magar  yeh baat yaad rukhnee hogi kay hum ghaibat-e-imam mein  bhee imamat ki tukleed kia kertay hain  aur yeh ulema bhee upnay meraatib-e- ilm aur joher ko lee-aey uss hee der per sajda taika kertay hain

Deen kisi likhee huee kitab kisi maktab ki tudreesi zaabtey aur aik khaas waza aur qata mein liptay libaaday ka naam nahee jisay musnad aur mimber samjh ker pooja jai yoon halal aur haraam aur haq aur batil ko zuban –e-faqih say hee lea jai  goya uss hee  faqeeh say jis nay kisi madressay say hasool-e-ilm mein tabaa-aazmai ki ho goya farigh-ul-tehseel hua ho
Faqaih ka kaam deen mein ejadaadt ko roakna hai goya deen ko khalis ker kay haq say jorrna hai

Najaanay Wilayat-e-ali ki munkiri ki yeh kon see hud hai jis mein   wilayt-e-ali ki ferz gawahi ko mozoo-aey behus aur kufr ki sanad dikha ker faqat zidd per haq say huq ko juda kia jaraha hai

Kalaam –e-Rasool kalaam –e-wahi hua kerta hai aur Ali ki wilayat us kay wasi honay ki tusdeeq aur khalifa honay ki tujdeed dawat-e-zilasheer say aghaz ki soorat sanad bunee aur ghadeer per tukmeel-e-deen ki soorat  zaib-e-mimber huee

Ub yeh na kaheeaey ga kay namaz mein sirf who ayat perhay joe hum bata –ee jai werna namaz batil hojai gee

Naam Ali aur  uss say jurray muratib ism-e-elahi say juuray who lufz hain joe loah-e-mehfooz ki sanad per faa-iz  kalaam-e-perwerdegar jin ka ada kerna mustahib bhee hai aur wajib bhee

Ub yeh zaroori nahee kay aap ussay ferz na  samjhay aur mein ussay ferz   jaan ker perho

Hud hudood  ka taayn kia kerty hai aur hadood faqat hud ko wazeh

Aap hadood wazeh keray hud ka taayun nahee  is leeaey kay muhabbat kernay waley zindagiko  hud say baher jaaker hi lutaya kertay hain  yoon   mout ko piar kay awuz  qabool kia kertay hain

Namaz toe qayaam, rakoo aur sajdoe mein haq ka iqrar kernay ka naam hai ub yeh zaroori nahee kay iqrar sajdoe mein kia jai ya Qayam mein  kio kay joe ferz hua kerta hai ussay rakoo ki halat mein bhee ada kia jaata hai  aur uss amal ki quran ki ayat kaha jaata hai aisay kayjaisay quran nay fermaya “ who joe halat-e-rakoo mein zakaat dia kertay hai “

Aap kis naam per ler rahey hain jis kay naam per Khyber ko fatah kia jaata hai  ya uss naam per jis ki aik zerb saqlain ki ibadaton say afzal hai

Aap kis naam ki baat ker rahey hai joe haq ki sanad per khudao ko neest o nabood kerta hai aisay k Haq agaya aur batil mit gaya

Such toe yeh hai k!
dono taruf namaz bhee aur jaa-namaaz bhee
sajdey bhee thay, quran bhee  aur Qayam bhee
dono traruf thay loag jama khaas-o-aam bhee
her aik sir pey rukha tha dhairo inaam bhee
kalma bhe perh rahey thay who dono namaz mein
kia cheez thee juda joe nahee thee namaaz mein
kehtay thay sub kay sub kay Muhammed Rasool hain
lernay chulay hain jin say who Aal-e-Rasool hain
jaanaey thay sub kay sub kay hain yeh sub nazool hain
yeh zaat say wajood leeaey khulq-e- noor hain
jhugra  inhain na deen say tha  na is kitaab say
jhugra faqat tha deen mein buss  butraab say (Dr Raza)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s