Derasl waqt aur lumhaat ,halaat wazeh kia kertay hain

Halaat ,lumhaat mein chuphay waqt ko wazeh kia kertay hain

Yoon waqt ,halaat aur lumhaat waqooe ko ayaa’n aur waqiaey ko baya’n kia kertay hain aisay kay waqt mein chuphay kirdar wazeh aur kirdar mein chuphe shuksiat ayan hojain

Kainaat upnee tuskeel say lay ker tabeer tak lunhon say juree ,waqt mein doobi lumhaat kay aser mein kirdaro ki ravish per mubnee who falsafa-e-hayat hai joe batin ko ayan aur zahir ko gumaan kerdey yoon joe dikhay who siraab ki manind aur joe na dikhay who khuaab ki musleyhut

Yahee falsafaey hayat kirdaro kay kirdaar say jurra who fasana hai joe aser ko juda kerkay juda ko humaser say miladea kerta hai yoon waqt aur lumhaat aser say baher faqat kirdaro kay saher mein zair-e-aser hojaatey hain

Yeh kirdaar kaheen Adam(A.S) aur kaheen iblees ki manind hua kertay hai aur kaheen hussain(A.S) aur kaheen yazeed ki manind hua kertay hai

Bus jahan halaat ,waqt aur lumhaat zair-e-aser khuslato- nisbat-e-kirdar ho wahan kirdar phir say bay daar hojaya kerta hai yoon loag baydaar ko kirdaro say mosoom kerkay amal ko kirdaro kay saanchey mein daal ker kaheen Hussainiat aur kaheen yazeediat ka naam dey dea kertay hain

Tameer-e-karbala tabeer-e-kainaat ki who tasweer hai joe bais-e-sajda-aey malaa-ik bana yoon adam ko sajda itaaut-e-perwerdegar ki soorat khala-aiq aur malaaik mein ferz hua

Bus jahan sajda Khuda ko ho magar tool Hussain ka kaandha-e-Rasool per sawar hojanaa ho ;wahan sajda ibadat ka jusv aur sunnat mein shariat hua kerta hai

Is hee hussain ki raah per jub waqt halaat aur lunhaat ko guzara jai ussay hussainait kaha kertay hain aur jahan iblees ki rafaqat bugz ki kayfiat aur itaut say rid gerdani agar iqtidaar taqat aur daulat kay nushay mein warid ho ussay Yazeediat kahan kertay hai

Karbala aisee hee hidayat ka naam hai joe Hussain kay husn –e-itaut mein doobi Khuda wanda ki khushnudi mein sajee mimber-o- musnad-o-mehrab mein jurree badshahat jis ki ata perwerdegar ka moujaza goya ayaton kay aser kay hum nay tum ko hoz-e-kauser ata ki aur jis ki mukhalfat sureh kauser ki hee ayat ki keel ki soorat nakeel kay bayshuk tumhara dushman h
ee abter rahey ga “(Dr Raza)