AMAL SE FARIGH HUA MUSLAMAN BANa K TAQDEER KA BAHANA___________________________________________

Naseeb mein joe mila ;
woh mila tuqdeer k haath

Amal khayal raha ;
mera is taabeer k baad

Neeyat fatoor ki soorat!
Faqat   wabal rahee

raha taqdeer bahana
yoon is faqeer  k saath  (Dr Raza)

madaar-e- kainaat mein tuqdeer bhee ajab falsafa hai joe tabeer ko kaheen naseeb ki soorat aur kaheen tuqdeer ki soorat zindagi per upna aser aisay jatatee hai jaisay koi ghulam kisi malik k zair-e-aser bundagi kia kerta hai

yeh bilkul aisay k goya sooraj mushriq say niklay aur mughrib mein doob jaa-aey

magar such yeh hai k insaan kainaat ka hissa hotay huaey bhee  tuqdeer kay is terz-e-amal say qudray baher mukhtar aur taqatwer ikhtiyaraat mein wajood ki soorat moujood hai

is mein shak nahee k tuqdeer us ka bhee naseeb hai magar naseeb justaju say jurra aur justaju mehnut aur azmaish say jurra falsafa

aisa falsafa jahan mehnut mein azmat ho  aur azmat faqat justaju mein raat din baser kerna

tuqdeer samnder ki lehron ki manind woh taqat hai joe josh,ki soorat samander ka talatum leeaey husn

magar yahee husn bil-akir upnee sakut aur ahmiat kinaray per khoe baithtee hai yoon aik baar phir josh lehro mein talatum leeaey kinaray say tukrajanay kay amal per tayyar khurra hota hai bawajood upnee qismat mein likhee tuqdeer k

bus mukhtasirun jahan josh aur walwala toofan ki soorat lehro ki umang ho wahan tuqdeer kinara nahee hua kerty yoon tabeer kinaro say aagey ik naee manzil hua kerty hai bilkul aisay jaisay goya tuqdeer ki zangeero say azad toofan say bherpoor lehray

magar aaj ki dunya mein aaj ka insaan aur bilkhusoos musalman upnee kumzoari aur natawani ko tuqdeeer ka naam dey ker kinaray per hi iktifa kia kerta hai

meri nazar mein tuqdeer mout ka ana hai aur azadi mout say tukrajaney ka naam hai yoon naseeb merna nahee bulkay mout k moo say zindagi bucha laana jisay tudbeer kehtay hai  yahee tudbeer tuqdeer say azad aur tabeer kay tabey hua kerty hai (Dr Raza)