swaal ka jawaab


Kia khoob sawal tha jis nay mujhay mehfil say utha ker sakoot aur jamood kay uss mehwer mein phoncha dea jahan hisaar ilm ki soorat meri arzo ho aur ilm der ki soorat muktab-e-aal-e-muhammed yoon dersgah shehr-e-ilm ki soorat zaat -e-muhammed(SAWAW)

Kisi nay poocha k agar yeh urh chuka tha toe wapis kio aya?

najaaney us nay kia jawaab dea magar yeh baat yaqeeni thee k mein is sawaal say ulhaj chuka tha

waqiatun yeh baat samjh say balater thee k woh kon see chuphee kayfiat thee jis nay aik azad parinday ko bhee shaoori torr per jakurr rukha tha bawajood is k, k woh din mein kitnee hee baar azad kia jaata tha, tamashay k naam per

bilashuba azadi wajood say nahee shaoor say talluq rukhte hai

mein nay jub us aqaab(Falcon) ka baghorr jaiza lea toe us k pairon mein khoobsoorat see bairiaan paaee

ajab baat yeh thee k her dafa woh urhta aur phir wapis ajata yoon her aney per us ka malik ussay kuch khaanaey ko daita

meri nazar mein mein nay ghulami ko shaoor ki qaid paya yoon wajood uss shaoor ka ghulaam

zaroorat ko ghulami ki sijdeygah aur sajdey ko ata kernay waley ki aadat

yoon ibadat uss falsafey ko jahan ghulami sajdo kay hasool say juree aur ibadat aadat ka naam joe ajar ki husrat mein mukhlooq ko sajdey say juree ho

ghulami socho ka aisa qaid hona hai jahan wajood ka azad hona bayma-aeenay ho

yahee wajah hai joe Mola -e-kainaat nay ibadat sajdo ajar aur ghulami ko in khoobsoorat alfaaz mein aisay bayan kia

“Mein jannat kay shok mein aur daosakh k khoaf mein teri ibadat nahee kerta bulkay is leeaey kay tu hee ibadat k laiq hai “

doosri janib yeh fermaya kay “ meri ibadat jannat k shok mein nahee kay yeh ibdatat nahee tijarat hai aur na hee khoaf mein k yeh ibadat nahee ghulami hai”

bilashuba azadi shair ki woh aik din ki zindagi hai joe sajdoe say azad ho aur ghulami sajdo ki woh balazzat kayfiat jahan khaloos naa-paid ho aur jism qaid ho” yani zillat ki who zindagi joe roaz ghutno kay bul jeeti ho yoon izzat say bayperwah rooz merti ho zillat ki soorat (Dr Raza)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s