Jahan Inqilaab aur azadi kisi taqatwer kay hokum kay muntazir ho wahan Azadi ghulami hua kerty hai aur inqilaab faqat ghulami mein jukri sochon ki neelami hua kerta hai

 

Jahan socho mein khaof-e-khuda kay elawa khoaf-e-hukmuran posheeda ho wahan saath denay waley kum aur saath chorrnay waley ziada hua kertay hain

 

Karbala kisi deo maalai kahani ka naam nahee bulkay kurb aur balaon say juree who inqilabi soch hai jis ki ibtida kafun say aur inteha baygoro kafun hua kerty hai

 

Karbala socho ka who toofaan hai joe khoon-e-Aaal-e-Rasool kay rung say Deen ko qoso qaza ki who umang deta hai joe her rehmat kay baad asmano per bhiker janey wali zeenat ho

 

Yeh Essar aur qurbani ka who falsafa hai joe jawaaz-e-sajdaey Adam goya  irtiqa say juree adam ki Who mairaaj jisay sajda farishto ko ferz  hua

 

Bus yahee Karbala her dorr mein her uss Qoum ki who qoowat hai  joe zalim say mazloom ko juda aur yoon zalim per qehr-e-khuda wandi ki soorat dunya aur akhirat ki saza hai

(Dr Raza)