hisar say baher


Khuda nay her shey ko hisaar mein dia

 

 kuch ko iktiyar mein dia aur un mein say kuch ko istimaal mein dia

 

baqi sub maal mein dia aisay kay istimaaal ko zaroorat banadea aur iktiyar ko manzilat goya manzilat imtihaan ki manind aur zaroorat faqat utnee kay na sairaab ho sukay na tushna reh sukay goya aisee azmaish kay derya mein moujood magarpani faqat us waqt aur utna peena jitna kay zuban ter hosukay goya azmaish

 

ajab zindagani thee momino ki

ki kay taqat aur moajza inayat magar azmaish aisee kay raatsa khud chul ker humwaar kerna aur loagon ko us per chulana yoon kainaat ki sari naimatain un ka wirsa magar haq-e-istimaal faqat zaroorat say jurra

 

mein nay zindagi mein hud ko hadood say baher reh ker aur lamehdood ko hadood say pehchana  goya joe dekha who hud-e-nigah aur jisay nahee samjh suka who lamehdood

 

kaheen khuda ko wajood mein dekha aur jub dekha toe who khuda nahee faqat wajood leeaey aik nishani  Aisay kay Ayatullah

 

 goya jisay nahee dekha who khuda aur jisay dekha who minAllah goya minjanib Allah

 

 gaawahi dee Khuda ki wahdaniyat ki Rasool kay eman per eman laya khuda per Rasool ki suchaii say

 

goya rasool mana us kay kirdar say aur khuda jana us kay aitbar say

 

Ajab wajood tha who joe amanat ko us ki manzilat dey gaya aur khud ko us ka bunda qarar dey dea

 

 Yoon deen us ka  laykay aya aur qurbani uppnee Aur aulaad ki  dee

 

 Kuch toe falsafa-e- muhabbat ki is dasdtann mein aisa tha jis ka ilm faqt uss ko tha aur hum us sheher kay hisaar say baher faqat mehdood hud-e-nigah leeaey aik bayaser wajood

 

bus yeh jaan ker mein nay uss sheher ka derwaza chuna aur yoon mein us derwazey ka mutawalii bun gaya

 kuch hee dino mein mein us der kay karam say hikmat k razo ko samjhnay laga aur yoon us derwazey ki haqeeqat say ashnai honay lugi kay phir shubo roaz faqat mujawri mein guzra

 

 akhir Rasool-e-khuda ki baat thee “K Mein shehr-e-ilm hoon aur Ali us ka derwaza”

 

yahee who derwaza tha joe meri dergah aur dersgah hai (DRRaza)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s